2010/12/10
مبدعه !! ..... بس وش بيفيد ؟
2010/10/16
تعبت من مراهقات هالزمن ....
أنا والنقل ... (( 2)) ..
هكذا كانت البداية ...... أول حصة..!!!
والله أرحم نفسي ... لأني مدرسه
عدنـــــــــــــا ............... بعد 8 أشهر
2010/02/28
المجتمع الغريب ..... (( مجتمع المدرسات ))...
بس كنت أقول وش هالخرابيط !!! .... مافي أوضح من المرأه॥
وما كنت مقتنعه بهالكلام أبداَ॥
إلى إني صرت معلمه ودخلت هالمجتمع...
فأي أحد يدخل هالمجتمع لازم تكون محدده
غير تجديع الكلام يمين ويسار ومن اللي راح تكون معهم ॥!!!
في هالمجتمع ॥ إذا لم تكن معي فأنت ضدي ..
لا يوجد مجال أنه أحد يكون محايد ...
طبعاً دايماً هناك احزاب داخل هذا المجتمع <<< /span> الله يجيرنا....
1- إذا فيه غرفتين في المدرسه راح تلقيهم منقسمين ...
2- في حزب المدينة الواحدة يوجد هناك احزاب أخرى شايلين على بعض
غير سالفة ليش فلانه مادخلت حصتها ....
ليش فلانه طالعه قبل مايصفر الجرس!!॥
ليش فصل فلانه مزعجات !!....
ليش فلانه مامعها نشاط؟؟!!॥
ليش فلانه ما تدخل احتياط كثير مثلي ؟؟!!॥
ليش فلانه أقل نصاب حصص مني << مع انهم غير تخصص
<<< طبعاً كل هالكلام عند المديرة مو قدام بعض
يعني كلن يخرب على الثاني ... وإلى ألحين ماأدري ليش॥
وكل كلمه تنقال يطلعون لها ألف تفسير ومعنى يعني وش تقصد؟؟!!......
حتى لو كانت مزحه ॥ أو موقف بايخ مايذكر
واللي يقهر زياده انه كل هذا من وراء بعض
يعني إذا كانوا مع بعض ضحك وسواليف وزي السمن على العسل
.....
أما إذا اخترتي انك تكونين من الحزب المحايد
لأني شايفه إن كل هالمشاكل مالها داعي ॥
راح ينظر لك بأنك ضعيفة الشخصيه ومالك رأي ..
ليش دايماً ساكته؟؟!!।
<<< والله بعذري من اللي انا أشوف بينكم
========
===========
2010/02/22
عدنـــــــــــــــــــــــــا ........... بعد انقطاع......
يااااااي من زماااان ماكتبت شيء بالمدونة
او بالاصح من يوم ماجتن وظيفه
بمعنى اصح تعاقد ....خلينا من هاذي
المهم اني من يوم ما جان العقد وانا دايما متنرفزه وضايق صدري
لسبب او بدون سبب
اما اللي خلان ارجع اكتب هو بعد نفس السبب اللي تركتها عشانه
يعني لاني بعد متنرفزه ومتضايقه من الدوام
وخاصة ان عقدي جدد لنهايه السنه
يعني ابنجلط قبل الاختبارات لو بقيت على هالحاله
طيب اكيد كلن مستغرب ليش متضايقة من يوم ما داومت!!
مع إني كنت أنا اللي ادور الوظيفة؟؟؟!!!!
أنا أقولكم ليش ((مع اني متاكده انه مابه احد هنا غيري))
فيه أكثر من سبب يخلين متضايقه وهالأسباب هي اللي راح اكتب عنها هنا....
راح اكتب عنها لأني كل ماقلتها لأحد قعد يضحكون ويقولون لا مو معقوله تصير هاذي!!!!!!
عشان كذا كل مره راح اكتب عن شي يمكن يكون من صحيح يضحك!! مع انه يرفع ضغطي بس ياالله يمكن اكون وسعت صدر احد غيري ومن ناحيه ثانيه اكون خففت من الغثا والنرفزه اللي عندي
بس من الاول راح اقول (((جميع الاحداث حقيقة واقعيه )))
لي عوده...
।
।