+++ *** الموضوع مكتوب من أكثر من 8 شهور ***+++
أول ما بديت اداوم وانا اشرح مافيه تفاعل معي ابد .... يمكن بس كم بنت بالثانوي كله عل بعضه .....
لدرجه اني شكيت بنفسي اني ماأعرف أشرح....((هو صحيح انا موب ذاك الزود بشرحي بس موب لدرجه انه مافي تفاعل ابد بالفصل واذا قومتهم ما يجاوبون..))
يعني تخيلوا فصل اول مرة ادخل عليهم واشرح لهم.... واول ما خلصت شارحه وصكيت الكتاب ما دريت الا وطالبه قالت :
- استاذة ..!
- نعم ..<< قلت يمكن تبين اعيد شي او الله يستر لا تسأل عن شي بالكمبيوتر ولا اعرف اجاوبه!! ..
- استاذه حنا عارفين اننا موب ناجحين بس دفينا ...
- هاه !!!؟؟؟ .... << اثره هاذي تاليتها !..
ليش ادفكم ... مافهمتوا اللي شرحت تو ؟؟ ... وش ناقصكم ماتدرسون؟!!...
- لا بس عارفين اننا موب مجاوبين ...
<<< احس انه فيه عرق طق بي .... والله تحطيم ... ودي امسكه واضربه واضربه واخليه تعاف حياته على هالكلام اللي قالته .. بس انظمه استغفر الله صاير ماللمدرسات اي احترام او تقدير ..
حتى ضاق صدري بالمرة ....يعني لهالدرجه ما اعرف اوصل المعلومه؟؟!!
خاصة اني اول سنه ادرس فما ادري عن مستواي بالتدريس
....الى انه في احد الايام بينما انا قابعه في غرفة المعلمات <<< متعوب عليه العربي الفصحى....
ألمهم انه كان فيه مدرسات يدهرون على البنات ....
وحده منهن تقول انا اعرف مستواي ومستو ى طالباتي اللي قد درست بس مثل هالمدرسه ابدن ما شفت لو كانت هاذي اول سنه لي بالتدريس كان قد تعقدت...
<< ورا ماتكلمتي من زمــــــان وأنا متعقده .....
.
.
ليست هناك تعليقات:
إرسال تعليق