مليت من المراهقين
مراهقات هالايام بالضبط ايش اهتماماتهم؟ ايش اولوياتهم؟ايش مبادئهم؟
لي الآن من يوم مابديت تدريس حوالي ٥ شهور„„„
والى الان ماشفت احد مثل هالبنات اللي عندي بالمدرسه„„„ابدا
ايه كنا مراهقين „„ ودرسنا بالمتوسط والثانوي „„
لكن ابدا ما كنا مثل هالعينه اللي اشوف كل يوم
كانت اولوياتنا اننا ننجح ونجيب مجموع عشان ندخل الكلية„„
كنا نراجع كل درس بيومه بس عشان ما نتفشل اذا وقفنا قدام البنات بالفصل
طبعا” كلش ولا ان المعلمه تهزئن او تقواي كلمه شينه لي
وكنا اذا شفنا المعلمه من بعيد بالساحه حتى لو ما كانت تدرسنا كنا نتأدب ولا نرفع اصواتنا
واللي جلستها غلط تتعدل حتى لو كنا بمكان عام برا المدرسه „„
والى الحين معلماتنا لهم احترامهم„„
اما بالفصل اول ما نشوف المعلمه طالعه من غرفه المعلمات كل وحده مكانها
و نطلع كتاب ودفتر الماده
وياويلنا اذا شافتنا بالسيب بين الحصص
اصلن ما احد يطلع بالخمس الدقايق الا اللي مخربته„„
كنا نحترم المعلمات ما احد يرفع صوته على معلمه
الا اللي قليله ادب وبه تعهد وتنقيص درجات وهواش ونزله للمديره „„
اما الحين
مافيه اي احترام للمعلمه „„
قله ادب ووقاحه بالاسياب انواع الازعاج
ولا يمكن تلقينهم داخل الفصل بين الحصص ما يمدي المعلمه تطلع من الباب الا وهم وراه
تخانق او ماتخانق „„
تكلمهم باسلوب او ما تكلمهم لازم يطلعون„„
تقولين محطوط لهم عمل بالفصل ما يقعدون فيه؟؟؟!!!!!!!„„„„„
تدخل المعلمه للحصه لازم تقعد تحوشهم من السيب تقل غنم ( مع احترامي للجميع)
وكثير ندخل الفصول ونص الفصل بدورات المياه هذا اذا ما كان اغلبه
وكلهم بحجه انفلونزا الخنازير او عندي سكر او عندي التهاب بالكلى
مع انهن ما بهن الا العافيه ما ادري ليش يتفاولون على انفسهم!!!„„
واذا مرت من عنده معلمه بالساحه تعالي اسمعي انواع التعليقات
احد يعلقون على قبيلته ( هذا اللي جانا من شاعر المليون)
وحده على لبسه ووحده على مشيته ووحده على طريقته بالكلام „„„
اعوذ بالله لا احترام ولا تقدير !!..
تقولون تعاقبهم المديره؟؟!! عاقبت ولا نفع يعني نفس الشي
كنا اول اهتمامنا ناخذ شهاده البكالريوس نتوظف „„ اما هم لا الوحده اكبر همها العرس والبيت والتزين اما الدراسه آخر اهتماماتهم...
نقصتي او ما نقصتي عادي وقفتي البنت او لا عـــــادي....
ياحلالي ياحنا اول
.
.
.
.الموضوع كاتبته من قبل
وانا انزل الوضوع حيت اني عجووووووز
مع اني ما في فرق بين جيلي وجيلهم
.
.
